Association for Environment Preservation (ASEP) chuan vawiin April ni 14, 2025 Thawhṭanni hian Ṭawi Wildlife Sanctuary chhehvel khua pathum Mualpheng, Ṭawizo leh Lenchim khuate tlawhin hun an hmang a. ASEP aṭang hian President K. Lalmuansanga leh hruaitu ṭhenkhat an kal a. Khaw tinah khawtlang hruaitu Village Council leh YMA hruaitu awm remchangte nen inkawm hona hun an hmang a ni.
Ṭawi Wildlife Sanctuary hi Mizoram laili taka awm a ni a, Mizoram tan hmun pawimawh tak a nih avangin ASEP chuan humhalh beihpuithlakna hi a kalpui a. Remchan dan ang zelin khaw dang dangte pawh tlawh zel tum a ni a. Khaw tinah hian chhungtinte hnena ngenna lehkha sem nghal zel a ni.
Khawtlang hruaitute pawhin ramngaw leh nungcha humhalhna kawngah theihtawp chhuah an tum thu ASEP hruaitute hi an lo hrilh ve bawk a ni.
