Kan hma lawka World Environment Day 2023 lo thleng mai tur pualin ASEP chuan Greenhills Public School, Mualpuiah Environment Awareness Campaign hun a hmang a. He hunah hian ASEP hruaitute, Aizawl DFO leh Greenhills School Director leh Staff bakah zirlai 300 rual an tel a ni.
Function hi School Director Rev. Dr. K. Thanzauva chuan a kaihruai a, an school zirlai naupangte chu environment humhalhna kawnga entawntlak ni turin a chah a. ASEP President K. Lalmuansanga leh Aizawl DFO Lalnunsanga Khawlhring IFS ten WED 2023 theme slogan βBeat plastic pollutionβ tih thupui hmangin zirlaite hnenah World Environment Day thuchah an sawi a ni.
Zirlai naupangte chu ramngaw leh nungcha humhalhna kawngah theihtawp chhuah turte, kan ram hmelma plastic do tlattu ni tur te-in an intiam a ni. He World Environment Day lo thleng tur denchhen hian ASEP chuan Zoram mipuite ramngaw leh nungcha humhalhna kawngah theihtawp chhuah tur leh plastic hmanraw tha lote hnawl ngam turin a ngen tak meuh meuh a ni.
Rah tha duhawm tak chhuah ngei rawh se