Vawiin Ni 5 November, 2024 (Thawhlehni) hian Mizoram Cooperative Apex Bank, Board of Directors Meeting chu Board Meeting Room, Head Office, Tuikual South-ah neih a ni.
Meeting hi Pu Lalnunsanga, Chairman-in a kaihruai a, bank hmalakna hrang hrang te thlir ho a ni.
Board Meeting-ah hian Branch 30-na turin November thla tawp hian New Colony Branch Siaha ah hawn nise tih a ni.
Thawktu indaihlohna avanga hna lak thar (recruitment) exam tura kal meka Assistant Grade (Clerk) 18 lak tura tih chu 27 ah tihsan a ni a. JMG (Officer) 2 lak tura tih chu 3 ah tihsan a ni bawk. Ni 14 December, 2024 a exam tur a ni ang. Recruitment Exam hi Indian Institute of Banking Management, Guwahati in an buatsaih thin a ni.
Meeting hian Special Deposit Scheme thar ‘Sekibuhchhuak’ chu a pawm bawk a. He Deposit Scheme thar hi kum khata 7.5% a pung niin kum upa tana 8% a punga siam sak a ni.
Tun dinhmunah Apex Bank hian Deposit cheng Vaibelchhia 1539.2 a dawn atangin Loan cheng Vaibelchhia 1206.1 a pe chhuak a. Deposit dawn atanga Loan pekchhuah tehfung (CD Ratio) hi 78.8% a ni.
