All Mizoram Village Council Association 2025-2030 hruaitu thlanna chu vawiin khan Vanapa Hall, Aizawlah neih a ni a, Elected OB post awm zawng zawngah ZPM Party atanga Village Council member-te thlantlin an ni a, ZPM Party chuan lawmawm an tih thu sawiin, “Hruaitu thlan tharte kan lawmpuiin, thahnem ngai taka khawtlang rawngbawl turin duhsakna kan hlan a ni,” an ti.
AMVCA 2025-2030 hruaitu thlan tharte :
President : FP Laikhama VCP, Sihphir Venghlun.
Sr. Vice President : H.Lalfakzuala VCP, Kawnpui VC-III.
Treasurer : C.Lalromawia, VCP Tualpui
ZPM party chuan, “AMVCA hruaitu term hi kum nga(5) a ni a, Village Council Memberte hi ram hmasawnna hnathawh kawngah Sorkar kut ke pawimawh tak an nih avangin Association hruaitu tha neih hi a tul hle a ni tih hi ZPM Party ngaihdan a ni a, kawng hrang hranga Sorkar hmalakna thawhpui thei tur Association hruaitu kan nei ta hi ZPM Party chuan thlamuan thlak kan tiin khaw tin leh veng tinah hmasawnna thar duhawm tak tak hmuh ngei kan beisei a ni,” an ti bawk.
Vawiin AMVCA hruaitu thlan hi President tanglai K.Lalngaizuala(VCM), East Lungdar in a kaihruaia, VC member mi 220 kalkhawmin, Returning Officer(RO) R.Lalhmingmawia General Secretary AMVCA kaihruaina hnuaiah inthlanna hi tluang taka neih a ni a, Hruaitu hlui leh hruaitutu thatte hian Charge an inhlan nghal bawk a ni.
