Eng nge kan ram dinhmun hi, eng nge India dinhmun hi? uluk taka kan ngaihtuah a ngai – Dr. Lalmalsawma Nghaka
Vawiin khan Salem I Unit huam chhung atangin ZPM, MNF leh Neutral atangin mithar 46 Dr. Lalmalsawma Nghaka chuan lawmluhna a nei a. He lawmluhnaah hian Bialtu MLA lui Lt. Col. ZS Zuala leh Congress hruaitu Lalnunmawia Chuango te pawhin an telpui a ni.
Congress party a lutthar te hi ZPM a\angin mi 27 leh Neutral atangin mi 19 te an ni. Dr. Lalmalsawma Nghak hian Zirtawp zan khan Unit III atangin ZPM, MNF leh Neutral mi 13 Congress-ah a lo lawm lut tawh bawk.
Lawmluhnaa thusawina a neihah Dr. Lalmalsawma Nghaka chuan, “Eng nge kan ram dinhmun hi, eng nge India dinhmun hi? uluk taka kan ngihtuah a ngai a. Chutah chuan tute lamah nge kan tan dawn tih kan ngaihtuah a ngai” tiin a sawi a.
Tam tak chuan Development kan hmuh theih nan chuan tiin Central lamah thawhpui leh zawm te an nei thin. BJP te double engine growth tia sawia malsawmna dawn boruakin min tuam, a ti bawk a. “Mahse hima kan inhriat laiin kan himloh zia May 3 a Manipur a thil thleng khan a tarlang chiang hle a ni” ti.
Manipur MLA te nen pawh inkawmna neia an sawiho tawh thu sawiin MLA an nih tirh khan tun dinhmun an tawng ang tih an ring bik lo, a ti a.
“Manipura awm te India ram hmun hrang hrangah an mihausa tawntaw te, an officer leh politician te an rama awm ngam lovin sahima zawngin an tlanchhia a ni” tiin Dr. Lalmalsawma Nghaka chuan a sawi bawk.
“Manipura kan unaute dinhmun atangin miropui tak tak te pawh an ni, mahse, an duhthlan a fuh loh avangin, BJP an thlawp avangin vawiin kan dinhmun kan thleng a ni” tiin Dr. Lalmalswma Nghaka chuan a sawi bawk.
Kan ram, kan hnam, kan sakhua him nan mawhphurhna kan nei lian hle a, keimahni lo tumahin min sawifiah pui dawn lo. Mizorama party dangte hian kan thupui hi min tawmpui lem lo pawh a ni mai thei vawiin thlengin BJP an la thawwpui tlat a, BJP sum leh pai hmanga an tha tihchak tum an la awm tlat a, tute nge an nih pawh sawifiah a ngai lo, tiin a sawi bawk a.
Mizoram-ah Congress tihloh chu BJP thurualpui thei awm an nih vek, ti bawkin, “Congress chu BJP nen ngaihdan inang lo, duhdan in ang lo kan nih avangin engti kawng mahin kan thurual thei dawn lo” a ti bawk.
India hi thuanghnihin a lehlam BJP leh Congress kan awm a, tute lam tang nge kan nih, sakhaw zalenna duhtute leh UCC min barhluih duh tum tu te, tia sawiin, “UCC hmarchhakah kan hmang lovang pawh an ti mai thei, thlamuanna tur a ni lo. Zofate ngei India hmun hrang hrangha in leh lo te neia khawsa an tam, India ah hian kan ringtu pui vaibelchhe tel an awm bawk. Anni ho hi kan theihnghilh thiang dawn em ni? Ringtu Pathian zawn chhuah ram leh hnam hian kan ringtupui te kan theihnghilh thei dawn em ni? tiin a sawi bawk a.
Zalen takin inkhawm theiin awm ila, kan state dangah ringtupui ten tihduhdana tawk si se a lawmawmin ka hre lo, a ti a. Kohhran hnuaiah pawh |halai pawl ang te Kohhran hmeichhiate thlengin chanchintha hril kan ngai pawimawh em em, missionary chawmte, ramthar project te theih angtawkin pavalai thlengin theihtawp kan chhuah tlang. Chanchintha hril duhna Mizo kristian te thinlunga awm tlat leh kan Lal Isua’n titura min tihtlat tithuanawp tura hmala tute hi engtin nge kan thlawp theih tehlul ang? Chuvang ania, Congress a danglam kan tihna, tiin a sawi bawk.
BJP te chuan sakhua, hnam zawng zawngte system khatah min dah a, kan tihphung te nuaibo veka, Hindu kalphung anga min barhluih an tum a, hei hi chu theihnghilh lo ang u, kan theihnghilh chuan a pawi khawp ang. Chumi tihlawhtling tur chuan BJP te hian sum leh pai leh invauna a vauchher a ni. tiin a sawi bawk.
Thusawitu dang Pu Lalnunmawia Chuaungo pawhin a hunlai mipui mil zelin sorkarin ruahmanna a siam thin a ti a. “|ang puihna hi sem ngawt a ni lo, mizoram hmasawnna tur a ni. Reform policy te nen siam\hat ngai, siamthar ngai siam \ha in danglamna kan siam dawn a ni” a ti a, “Vawiina eizawnna avang, hna a buaia helai hmuna lokal thei lo te tak hi |ang niin kan puih tur te an ni” tiin a sawi.
Pu Lalnunmawia Chuango chuan sorkarna Congress ina chang anih chuan Village Council hnenah thuneihna zauzawk an pek tur thu sawiin, “Roreltute leh hnathawk nasa zawk ten thuneihna zauzawk kan pe ang. Village Council hnenah thuneihna sang zawk kan pe dawn a ni” tiin a sawi bawk a.
Col ZS Zuala pawhin thusawina neiin, “Rahul Gandhi leh Modi te hi khaikhin chi an ni lo. Engiang pawhin sawise Rahul te chuan an pi leh pu te atagin hnuhma an nei tawh martar family an ni a, BJP ah chutiang kan hre vak lo. Kan leader te hi an in ang lo lutuk vahrit leh chepa khaikhin ang vel an ni” a ti bawk a.
Mizoram-ah kalphung thar zuar an awm thu sawiin, “A tu hian nge maw kalphung thar rawn ti ber le?” tia zawhna siamin Col ZS Zuala chuan, “An hotupa hi kan hrechiang em em tawh a, An kalphung thar te hi chu an tawngkam mai a ni” tiin a sawi bawk.
