Airport tumkawng hmun 21 ah a chhia

Aizawl 19 May, 2022 : Lengpui Airport tumkawng (runway) chu thlawhtheihna tum nan a that tawkloh avanga Airport Authority of India in a hriattir anga May ni 17 atanga thlawhtheihna chhuak tur leh tum tur zawng zawng tih tawp lailawk a nih hnu ah vawiin khan thlawhtheihna te a pangaiin thlawh tir leh a ni a, chutih rualin thlawhna tumkawng hmunkhat ah chhuat khawk a awm belh leh.
Airport tumkawng siamthat ngai hi hmun 21 ah awmin heihi a tah tawlin chhunzan zawmin an thawk tih Airport thuneitute chuan an sawi a, nimin lama thlawhna tumkawng khawk leh hi thlawhna a vawikhat rawn tum hnu a awm leh nia hriat a ni a, amaerawh chu thlawhna tumna hmun tur atana hlauhawm a nih loh avangin harsatna a thlen lo tih Lengpuir Airport thuneitute chuan an sawi a ni. Thlawhna tumkawng hi siamthat nghal mek niin chhun zan zawma hnathawh thin a nih thu Airport thuneitute chuan an sawi bawk,
Tarlan tawh angin thlawhna hmanga khualzin veivak te tan a him zawk nana precautionary closure neih a nih hnu ah nimin khan Air India pakhat, Indigo airlines pahnih leh Alliance air pahnih te an rawn tum leh thei tawh a, chawhma dár 10:35 ah thlawhna hmasa ber rawn tum in nimin bîk ah hian connecting flight hrang hrang, Guwahati to shilling, Kolkata leh Delhi direct flight te Lengpui Airport atanga hian an chhuak a ni. Thudawn danin Guwahati atang Mizoram rawn thlawk luta Kolkata chhuk leh tur chu tlailam khawchin chianloh avangin cancel a ni a, hemi bak thlawhna service dang Mizorama rawn lut Flight 5 chu tluang taka service kalpui a ni.