BJP Mizoram chuan vawiin khan Devotion & Political Session hun an hmang a, Robinson Hmar, State E.M-in inkhawm a kaihruaia, Lalbiaknunga, Ex-Freedom Fighter Cell Chairman-in hunserh hmangin K. Hrahmo, MLA & State Core Group Member-in thusawina hun a nei bawk.
K. Hrahmo chuan thusawiin, “ADC pathumah hian a ruala Sorkarna siam thei tute Party mah an la awm ngai lova, BJP chiah hi Sorkarna siam thei tur awmchhun kan ni. ADC mipuite hian \awngka chauha ‘hmangaihna’ ni lo, a taka lantîrtu party an duh tawh a, BJP-ah beiseina kan neih avangin, BJP lam kan hawi \hup tawh a ni. ADC mipui mamawh ber chu Development a ni a, Development pe thei tur party chu BJP a nih zia an hmu chho mek zel a ni,” a ti.
K.Hrahmo chuan,”Bihar state-te pawhin BJP an thawhpui a, tunah hian hmasawnna an hmu chho mek a, khawpui thar dinna tur project pawh thawh an tum mek laiin, keini Mizoram sorkar chuan issued based-in kan support an ti tlat si a, tunah hian Central hian issued based ve thoin min lo support ve nge ni dawn ni, kan Sorkar hian sum lamah harsatna a tâwk mek a ni. Chuvangin Kan state sorkar hian mahni kea kal a thei si lova, BJP hi thawhpui thiam ni sela, tuna kan harsatna te hi chu sutkian a harlo hle a ni. Central Sorkar hian min duhsakin min hmangaih hle a, nimahsela kan State Sorkar hian chu hmangaihna chu a hre \hin lo hi a pawi takzet a ni,” a ti.
K. Hrahmo chuan, “Central Industrial Security Force-te tunah hian Lengpui Airport ah an duty mek tawh a, AAI kutah Lengpui Airport hi a awm tawh a ni. Political decision avangin AR hi sawn a ni a, Zoram mipuite mamawh ang hi Central hian a ti hlawhtling chho mek zel a ni. BJP kan nih avanga Kristian ni lo tura inngaihna hi a pawi hle a, keipawh hi Kristian MLA ka ni a, Mizoram mipuite ai hian Central lama kan hotute khu an lawm zâwk a ni. Kristian ni a, BJP MLA ka ni hi an lawm hliah hliah zawk a ni. Mizote hi hman a\ang tawha thu diklo hmanga intih\haih ?hin hnam kan nih vang nge ni? Tun thleng pawh hian BJP hmanga intih\haihna kan chhunzawm ta zel a. CAA pawh Kristiante tan a hlauhawm tiin kan intih?haih chamchi a, CAA hi March, 2024 a?ang khan hman \an niin, CAA hmang hian Joseph Pereira chu August 28, 2024 khan Goa khawpui Panaji-ah Indian Citizenship pek a lo ni tawh a ni,” a ti bawk.
Hei hian Kristiante tan CAA hi a hlauhawm loh zia a entir a, Kristiante leh Mizote tan hian a \ha hle zawk a ni tih a hriat theih zawk a ni. Mizo mipui tam takte hian BJP an hlauhna chhan pakhat nia lang leh chu, RSS ho hi an nih hmel a, RSS hi India hnam tungding duh pawl an nih avangin India ram tungding thei tura an rin, BJP an support a ni mai a, min support suh u, han tih ngawt thiang a ni lo, ram hmangaihtu party leh hnam tungding duh party nia an hmuh avangin an rawn support a ni mai. Chutiang bawkin keini State ah pawh inthlan dawn in Pawl lian deuh min Support thei tur kan dap ru thin a nih kha. Chu mai bakah Democracy ram kan nih ang pawhin min support tute an awmin min support suh u, tih ngawt kha thil diklo a ni, nang kha KS i ni, zu rui ?hin i ni, min support suh, min vote suh tih ngawt chi a ni lo, Democracy ram kan ni a, mitinin zalenna kan neih avangin mi zalenna kan inzah tawn thiam pawh a pawimawh a ni,” a ti bawk.
