AAP Mizoram chuan vawiin khan an president Andrew Lalremkima hovin Aizawl Press Club ah chanchinthar lakhawmtute kawmin, “February Ni 12, 2025-a Local council inthlan lo awm turah keini AAP chuan candidate kan nei dawn lo a, inthlanna thianghlim leh ralmuang tak a awm ngei kan duh bawk a ni,” an ti.
AAP chuan, “Chhan mumal sawi tur awm loa local council inthlan hun sawn hma a ni hi mak kan ti hie a, sawrkar hian LC inthlan an sawn hma chhan mumal takin mipuite min hrilh rawh se, chhan mumal sawi tur an hre lo a nih chuan mipui zah lohna lian takah keini chuan kan ngai.
“Inthlan sawn hma a nih laic sawrkarin a ngaihtuah kim lohzia tilang chiangtu leh zirlaite’n an tawrh theih dan lo tarlang ila
a) Mizoram puma zirlaite exam pui (Promotion exam) neih thla; Feb-ah inthlan an buatsaih tur hian nasa takin zirna kal tluang lai a su buai a. Mizoram pum nghawng thil anih avangin naupangin an tuar lo thei lo a ni.
b) MBSE hnuaiah HSCLC & HSCLC Board exam inbuatsaih tul avangin leh exam tan hun lai anih dawn avangin zirna in leh zirlaite chungah a chhe zawngin nghawng a neih ngei a rinawm.
c) Heng zirlaite tana hun pawimawh tak nena insubuai zawnga inthlan ngai turah hian zirtirtute election BLO atan ruat an nih thin avangin zirna in leh an enkawl zirlai naupangten an tuar ngei ang tih hi kan sawrkar hian a hmu thiamlo nge a hmu duh to tih hi kan zawhna a ni.
d) Polling station atan hian veng tinah school hman thin anal vangin zirlai naupang leh zirtirtuten buaina nasa takin an tawk. e) Kumin ah hian Board exam hi kum clang zawng zawng aia tih hma anih tawh laiin LC\VC inthlan avangin ni 7 laiin exam hi sawn hma leh ani a, naupangte tana inhuatsaihna hun a tlem phah hle a ni,” an ti bawk.
