Vawiin khan G20 Chief Coordinator Harsh Vardhan Shringla chuan March ni 2 a G20 Business-20 meeting Mizoramin a thlen tur a inbuatsaihna hrang hrang te enfiah turin Aizawl a rawn thleng a. Lengpui Airport-ah Tourism Principal Secretary Manisha Saxena leh State sawrkar official ten an lo hmuak a, Chief Coordinator hi Ministry of External Affairs Additional Secretary leh Financial Advisor ni bawk Vibhu Nayar leh sawrkar laipui official ten an rawn tawiawm a ni.
Harsh Vardhan Shringla hian Lengpui tumhmuna inbuatsaihna kal mek te chu enfiah nghalin, Business-20 meeting neihna tur Mizoram University Auditorium leh Multipurpose Hall-te a enfiah nghal bawk ang. Vawiin tlai hian MINECO-ah G-20 Core Team leh a hnuaia committee pengte meeting a neihpui ang a, Chaltlang Tourist Lodge-ah Tourism Minister Robert Romawia Royte in cultural leh dinner programme a buatsaihsak dawn bawk.
Harsh Vardhan Shringla hian naktuk zingah Chief Minister Zoramthanga a hmu ang a, Lengpui Airport atangin Mizoram a chhuahsan ang.
