Aizawl Mihlun Thlahte chuan Krismas lo thleng tur pualin hmun 10 ah luanchhuahna an nei a. Luanchhuahna atana an member te atanga thawhlawm an thawh tlingkhawm ₹2,00,500/- semchhuah a ni. Aizawl Mihlun Thlahte hi kum 2018 atang khan kumtin an lo luangchhuak tawh thin a. Kuminah hian Home leh Institution 10 an tlawh a, chungte chu Cancer Hospital Zemabawk, Muanna In Boys Home Mualpui, Operation Kingdom Ministry Phunchawng, Bethani Children’s Home Sihhmui, Gilead Special School Bawngkawn, Joshua Ministry Mission Vengthlang, Khawngaihna In Chaltlang, Hermon Children’s Home, Synod Rescue Home, Grace Home Durtlang te an ni.
Aizawl Mihlun Thlahte hi kum 2017 khan Dawrpui a V. Thanga Street ah din a ni a, Aizawl hmasawnna hrang hrang atan kutthlak tawhin; tunah hian member 550 an awm mek a. Kum 2022 leh 2024 chhunga pawl hruaitu thlan thar te chu Chairman ah Pu K. Liantlinga Venghlui, Vice Chairman ah Pu John Rotluangliana Dawrpui, General Secretary ah Tv. V. Lalnunthara (Mathara) Dawrpui, Joint Secretary ah Pu R. Lalsangluaia Kulikawn, Dr. Vanlalruata Bungkawn leh Pi K. Zothanpuii Dawrpui te chu Treasurer leh Finance Secretary atan thlan an ni.
