BJP Mizoram chuan vawiin 11th November 2022 (Friday) 11:30 am hian BJP State Office Atal Bhawan ah, Friday Political Session neiin, JB Rualchhinga, State Vice President-in inkhawm a kaihruai a, Vanlalhmuaka State President in thusawina hun a hmang a ni.
Vanlalhmuaka chuan, “BJP Mizoram te chu Kristian te’n kan hla sak ṭhin pakhat angin, harsatna tawk thei kan ni a, ‘Harsatna tawklo rawngbawltu awm maw?’ tih hla ang deuhin, BJP Member te chuan harsatna kan tawk ngam tur a ni a, Development chanchin ṭha kan puanna kawngah Party dang te ang lo takin kan tih theih loh tur thil kan sawi ve tur a ni lo. Lal Isua Krista hnungzui te pawhin rawngbawla an chhuah na ah harsatna tam tak an tawh ṭhin angin, keini pawh ram ‘Development’ chanchin ṭha rawngbawla kan feh chhuahna ah harsatna chitin reng kan tawk a nih pawhin, chumi tur chuan kan inbuatsaih anga, kan ram hian hmel thar a hmu thei dawn a ni,” a ti.
Vanlalhmuaka chuan sawi chhunzawmin, “Kan ram hian hmangaihtu tak tak a mamawh a, Corruption lak aṭanga chhanchhuak tu tur kan ram hian a zawng mek a ni. Tuna Mizoram Sorkar tawh kan hmuh Party te hi chu Corruption nen inkungkaihna thuk tak nei te an nih avangin kan ram hian kan chhiat phah ta a ni. Chuvangin keini BJP te erawh chuan kan Ram ṭhanmawh bawk, mipui te retheihna sala min hnuklut tu Corruption hi hnungkhirh a, Mizoram aṭanga paih chhuah hi kan hna pui ber tur a ni dawn a, Corruption hi kan hnungkhrih hnuah chuan Mizoram hian hmasawnna hi a takin a hmu tawh dawn a ni,” a ti bawk.
