Myanmar atanga Kuhva ro phurluh Mamit atanga rampawna phurhchhuah tum chu nimin khan Darlak daiah Taitesena Group YMA leh Hachhek Bial Kuhva Chingtu Pawl (HBKCP) te chuan manin, heng an kuhva phurluh te hi chhanhriat lohin hal a ni.
Thudawn danin Kuhva te hi 407 truck pathum ah phurh a ni. Hachhek Bial Kuhva Chingtu Pawl (HBKCP) te chuan an kuhva chinte hralh na kawnga harsatna an tawh sawrkarin a chinfel sak theih loh avanga lungawilohna lantir nan naktuk Thawhlehni hian Hachhek Cosntiteuncy huamchhung ah Total Band an nei dawn a ni.
Hachhek Bial Kuhva Chingtu Pawl leh Taitesena Group YMA Joint Resolition
Hachhek Bial Kuhva Chingtu Pawl (HBKCP) leh Hachhek Bial All NGOs thukhawm chuan Dt. 28/10/22 (Fri) zing dar 6:00 atangin tiamchin awm lovin Hachhek Constituency chhungah Total Bandh neih rel a ni zet a. Sawrkar aiawha SDO (C) Kawrthah in ti lo tura ngenna a siam chu zahawm hle mahse, Oct.31, 2022 zan lai thlenga Sawrkar lam atanga thu lawmawm kan hre lo a nih chuan Nov.1,2022 (Tue) atangin Total Bandh hi kalpui tum a ni. He Total bandh neih chhung hian, Dawr, Zirna In zawng zawng, Sawrkar Pisa leh Kawngpui khar vek tur a ni.
He Total bandh kan siam chhan hi Kan Kuhva rah tharchhuah hralhna kawngah tun thlenga kan harsatna sukiang tura kan beisei anga Mizoram Sawrkar in hma min laksak tawk loh vang a ni.
Kuhva chungchanga kan harsatna sukiang tura hma kan lak tawhna te :-
1. Dt. 6th June, 2022 khan Mizoram Chief Minister hnenah kan harsatnate hmai chhanah thlen a ni. June thla ral hma ngeia hma la turin kan ngen.
2. Dt. 15th July.2022 ah HBKCP hian Home Minister, Soil Minister te hnenah ziaka thlenin Home Commissioner & Secretary te hmuin kan harsatna thlen a ni a, tun thlengin kan beisei ang hma lakna hmuh tur leh hriattur a awm lo.
3. Jt. Group YMA Study Team hmalakna in 2nd Sept.2022 khan Assam CM, Himanta Biswa Sharma hmuh a ni a, Dt. 5th Sept. 2022 ah Mizoram CM hmuh nawn leh a ni bawk.
4. Dt. 21st Sept.2022 Assam CM Himanta Biswa Sharma leh Mizoram CM Pu Zoramthanga te’n Delhi-a an inkawmnaah 100% Mizoram Kuhva thar chhuah kal theih dan tur an sawi hnuah tun thlengin hmasawnna kan la nei chuang lo. (Hemi chungchanga Sawrkar thuchhuah chuan, “Kuhva chungchang thu sawi bawkin, kuhva ro dan lo anga lo lut chu Assam leh Mizoram chuan lo dan vek a, amaherawhchu kuhva hring, Mizorama chin erawh engti kawng maha dang lovin, a hralhna tur hmunah tlang zel ni se tia sawi a ni a. Pu Himanta Biswa Sharma pawhin theihtawpin a tul chuan police-te hmangin kuhva hring chu dang lova tlangtir zel a tum thu Pu Zoramthanga chu a hrilh a ni.” ti a tarlan a nih kha.)
5. Ramdang Kuhva tawlh ruk hi tun thlengin dan lovin an la kal reng a, hei hian harsatna min la siam sak reng a ni.
Hachhek Constituency Kuhva Chingtute hian kumin 2022-2023 hian Mizoram Sorkar in kan Kuhva hralh kawngah kan duh ang a hma min lak puia, kan harsatna a sukiang lo a nih chuan Zangna dawmna atan Kum kal ta lama kan Kuhva hralhna man zat, Cheng Nuai 2750 hi Kuhva chingtute hnenah kumin chhung ngeia min pe turin kan phut tlat a ni.
