Vawiin September ni 23, 2022 Zirtawpni hian Mizo Hnam Run ah chhung inkhawmna neih a ni a, hun hnihna ah MNF Vice President Vanlalzawma chuan thusawiin, Social media hmanga inbeihna hi a nasa tawh hle a, Opposition Party ten kawng tin rengin min bei nasa hle a, heng inbeih na karah hian eng ang pawhin MNF party hi sawisel mahsela, Pathian in MNF party hi min hruai a, min sawisel na angte hi engah mah kan ngai lo a ni, a ti.
Vanlalzawma chuan MNF party hi kum 60 kan lo ding tawh a, Social media-ah inbeihna nasa tak awm mahse mipui ten MNF Party lakah rinna an nghat a, kan hnathawh that te an hria a, thudik leh dik lo mipuiten an thliar thiam tulh tulh tawh ani a ti. Pathian leh kan ram tan tih thuthlung vuantu te kan nih avangin Pathian zarah kan sorkar leh ngei dawn a ni, a ti bawk.
