Dampa bial fanga fehchhuak mek ZPM Leader Pu Lalduhoma leh General Headquarters hruaitute chuan Rajivnagar, Tuipuibari, Damparengpui, Hruaitluang leh Khawhnai-ah te vantlang inkhawm neiin, heng hmun hrang hrang atangte hian ZPM zawm thar mi 86 a lawmlut.
Vantlang Inkhawm neihna hmuna thusawitu ZPM Leader chuan, βZPM in hmun hrang hrangah hma a sawn zel a, mi leh sa kan neih ngai reng reng lohna hmunah te unit dinin, mi leh sa engemawzat kan nei ta zel a, hei hi kan theihna leh chakna vang ni lovin Pathian hnathawh a ni. Kan hma hruaitu hi a awm a, rinhlelh rual a ni lo. Sawrkar siam tura mipui ten an beisei ber chu ZPM kan ni a, India ram pumah Congress an tla chhia a. MNF lah vai smuggler ho phenah an hotu pa ber Chief Minister a awm niin mipuiin an ngai a, candidate tha tak tak rawn nei leh mah se a lu berin a zir loh avangin an tla dawn, an hun a herliam mek, ram hmangaihtute ZPM-ah lo kal rawh u. Pathian chakna nena kan ram siamtha turin thawhhopuiah kan sawm che u a ni,β a ti.
Pu Duha chuan, βMizoram hi thlai that duhna ram a ni a. Awmze nei zawka thlai chin a nih theih nan ZPM chuan ruahmanna fel tak siamin, hmanni lawkah βpolicyβ kan tlangzarh tawh a. Pathian leh mipui zarah ZPM-in sawrkarna a siam chuan heng thlaite hi rate mumal tak siamin, a tul ang zelin hmalak a ni ang a, ram pawna thawnchhuah leh ram chhunga hralh dan turte a tahtawlin sawrkarin a ruahman ang a, a tul dan ang zelin minimum support price a pe dawn bawk a ni. Tih tak taka titute chu an bΓ’nah kai chungin hma kan lΓ’k pui dawn a. Kuthnathawktute tan kan thil thar chhuah te a hralhnaah kan buai a ngai tawh dawn lo va, budget-ah chumi pual chuan pawisa kan dah dawn a ni,” a ti bawk.
ZPM Leader chuan, βTuna kan ram sum leh pai dinhmun kan thlirin sum enkawl chungchangah kan sawrkar hrawn mek hi a hlawhchham tih a chiang a. Mizoram sawrkar sum dinhmun a tha lo a, state khat sawrkar ve riang ruangin cheng nuai 20 chauh neih chang te an nei hial a ni. Sawrkar hnathawkte hlawh pawh a hunah a pe hlei thei lova, tunah hian kan sum dinhmun a buai em em a, engvangin nge hetiang dinhmunah kan kan din tak mai tih kan ngaihtuah a ngai a ni,” a ti bawk.