MPCC Campaign Committee in MLA bial hrang hrang tlawhchhuah Programme a siamah Aug 31 – Sept ni 2, 2022 chhung hian Tuichang Bial chhung khaw hrang hrang tlawhin PC Lalthanliana, Ex-Minister & PAC member leh a team te an zin chhuak a, party hruaitute leh member te nen inkawm hona hun tha tak an hmang thin a. Vawiin, ni 2 September hian Zuchhip Hall, Khawzawlah party programme puitham tak an huaihawt.
Zuchhip Hall, Khawzawlah hian thusawiin, PC Lalthanliana chuan, MNF Party chu Mizo mipui ten sorkar tlakah an ngai tawh lova,sorkar nawn leh tur boruak an keng tawh lo, mipuiin sorkarna pek an tum tawh lo,a chhan chu an thutiamah an ding lova,chumai bakah Zoram mipui te retheihnaah min hruai lut a, MNF sorkar hnuaiah Mizo mipui te kan rum mek a ni, a ti.
PC Lalthanliana chuan, MNF sorkarah chuan sorkar hnathawkin thlatin an hlawh an lak αΉhin chu, MNF sorkarin a pek theih chuan Hnam RΓΊn ah intih theih nan an hmang αΉhin a, βhei aia sorkar chak a awmloβ te an ti. Sorkarin kalphung mumal a neih loh vangin sum leh paiah Mizoram mipui ten harsatna namenlo kan tawh avangin Mizo mipui te kan rumin kan tap mek a, Congress in chhanchhuah hna kan thawh angai a ni. A chhan chhuak tur hian sorkar rintlak leh Chief Minister tha leh rintlak kan nghak mek a ni, a ti bawk.
MNF party chungchang sawiin, Pc Lalthanliana chuan, MNF Party mi leh sa ten an Party President lakah rinna an nghat tawh lova. MNF sorkar la ring ho hi chu MNF Party ruihchilh/atchilh ho chauh an ni tawh, a ti. βSorkarna chang mek te hi inthlan hma kum 3 emaw kum 4 naah hian aleh pekah an Sorkar dawn leh dawn loh a lang thin a,tuna sorkarna chelh mek tu MNF Party te hi sorkar leh ringlo hi Mizo mipui tam zawk an niβ, a ti.
Β Pc Lalthanliana chuan ZPM chungchang pawh sawiin, ZPM ho hi βEnchhin Policyβ an kal pui mek a, an Party hruaitute inkarah hotu/thuneitu nih inchuhin boruak thalo tak an nei mek a, Sa kah hma a, a kaptu chan inchuh buai ang hi tuna ZPM hi an ni. An Party Super CM atana an Candidate lah chu Zin loh Bill la duh a ni a,Mizo mipui ten a mizia kan hrechiang a, enchhin a ngai leh tawh chuanglo. Chubakah, thil chianglo hi enchhin an ngai thin a, enchhin ngailo Mizo mipui ten a mizia kan hriat chiansa corruption leh therhlo a fihlim, sum leh pai enkawl thiam leh renchem thiam Pu Lalsawta Congress in President kan nei a. Mizo mipui tam takin Mizoram sum leh pai harsatna leh retheihna ata khaichhuak turin a chungah rinna an nghat mek a ni, a ti.
PC Lalthanliana hi Headquarters atangin James Thanghmingmawia MPCC Secy, Lalropuia Gen. Secy ADCC leh Pu C.Lalrosanga Gen.Secy. MPYCC ten an tawiawm a ni.