Vawiin khan Health & Family Welfare Minister Dr R. Lalthangliana hovin a pisa-ah SELCO Foundation CEO Harish Handa, NABARD Mizoram General Manager Prasada Rao leh H&FW hotulu pawimawh ten ni zung chakna (solar energy) hmanga Mizoram chhunga damdawi in te chawm dan tur an sawiho.
Health Department leh SELCO Foundation tangkawp hian Mizoram sawrkar hnuaia health facility (damdawi in leh khawl) zawng zawng solar energy hmanga chawm turin hmalak mek a ni a. Tunah hian SELCO Foundation fund atangin health centre 40 ah pilot phase bul tan tum mek niin, Mizoram chhunga damdawi in zawng zawngah hmalak tum a ni a. SELCO technical team chuan heng centre 40 ah te’n energy an mamawh dan tur assestment an ti zo tawh a. Vawiin meeting ah hian funding chungchang te leh hmalak chhunzawm zel dan tur te sawi ho a ni.
