Vawiin August 31, 2022 (Nilaini) chawhma dar 11:00am khan Vanlalruata, Sr. Vice President chuan, PC Party Office Treasury Square-a party mite hmaah, Mizoram sawrkarin damlo mi 26,673 (Singhnih sangruk zaruk sawmsarih pathum) te bill cheng vaibelchhe 72.15 hun rei tak a batsak tawh hi a rang thei ang bera pe turin Mizoram sawrkar ka ngen a ni,” a ti.
Vanlalruata chuan, ”Damlohna avanga chhungkaw tam takin harsatna namen lo an tawh mek laia Mizoram sawrkarin an phurrit hlihkianna ngaihthah a Chief Minister leh a hote’n mahni inhaivurna tur ringawt engto a an hmanhlel ta mai hi demawm ka ti takzet a. He MNF sawrkarah hian Mizoram mipuite phurrit belhchhahna bàk hmuh tur a tam lo hle a ni,” a ti bawk.
PC Party Sr. Vice President chuan, sawrkar hnathawkte hlawh pèk chungchang pawh sawiin, Mizorama sawrkar hnathawkten hlawh lak tur an nei lo mai ang tih hlauthawng reng reng leh a hun takah hlawh kan la thei lo mai ang tih hlauhthawng reng renga siamtu MNF sawrkar hi in thing harh se ka duh takzet a. Tun thla thar September hlawh pawh hi hrek khawtlai lova a hun taka pe turin Mizoram sawrkar ka ngen a ni,” a ti bawk.