PC Party chuan, “Mizoram Sorkarin Sikul zawng zawng uniform inang vek hmantir tuma hma a lakna hi thil awmze nei lo, ram hmasawnna atana tangkaina nei miah lovah kan ngai a. Education kalphung siam that hna tak tak ni se kan duh a ni,” an ti.
PC Party chuan thuchhuah an siamah, “Ram thenkhat communist ramte dictator-in ro an relna ramte leh sipai rorelna ramahte mipui tana harsatna nasa tak thil inang intihtir awm fovin sikul uniform inang te pawh hman a ni ve a. Hetiang hi mipui zalenna rahbehna leh tul miah lova mipui thunun tuma hma lakna, ram hmasawnna atana tangkaina pakhat mah nei chuang lo niin ram chhungah mipui thatna tur ngaihtuah chuang lo ram roreltu inti thu leh nunrawng (despotic rulerl) awmna ram chhinchhiahna leh hriattirna awlsam bera ngaih a ni a. Sikul uniform inang tlang kan hmang a nih chuan hnam dang mithmuhah Mizoram Sorkar hmai a bal hle dawn a. Chuvang chuan PC Party chuan he thil hi tul lo leh tha lo kan ti a ni.
“Kan ram hmasawnna tur atana kan education system siam that dan tur kan nei fel vek tawh a. Mipuiin remchanna min siam siamsak a, kan sorkar a nih chuan ram dang awh khawp education tha kan nei dawn a ni,” an ti bawk.
