Leitha a dawng turte hnenah thleng tha lo

Aizawl June 6 : Kuthnathawk thlai chinga eizawngte hnenah leitha an mamawh hmuhmai tur a awm thinlo a chutih rual erawh chuan manto zawka leitur a awm reng tho si tih sorkarin a hria.
Leitha chawkluh chungchanga hmalak dantur relin karkalta zirtawpni khan Agriculture Dept. Secretary J Hmingthanmawia hin Mizorama Leitha (Fertilizer) lo luh dan leh loneitute tana tangkai zawka sem rual dan tur sawihona neih a ni a, inhmuhkhawmna hun ah hian Mizoram a Leitha (Fertilizer) mi 19 te leh District tin a Fetilizer Inspector te bakah Department awihte an te a ni.
Thuchhuah tarlan danin Leitha (Fertilizer) te hi man to taka siam chhuah leh kuthnathawk loneitute tan a man tlawm zawka pek a ni a. Hetiang a nih laiin man to taka hralh thin a awm nia tarlan niin, kuthnathawk loneituten thlai thar tipung tura an mamawh em em laiin an hmupha lo fo thin tih he inhmuhkhawmna hun ah hian tarlan a ni a. Kuthanthawk loneitutena awlsam zawk leh man tlawm zawka Leitha (Fertitilizer) te an hmuh ngei theihna turin he inhmuhkhawmna ah hian thuthlukna siam niin, Leitha (Fetilizer) buaipui tur chungchang ah hian Fertilizer Control Order neihsa chu khawng leh uluk zawka hman tum a nih thu Agriculture Secretary hova thutkhawm ah hian rel a ni bawk.