Central sorkar hna ngaihven tam turin zirlaite chah

Aizawl June 2 : Information Minister Lalruatkima chuan Central Sawrkarah hnaruak a tam em em a, mahse tumah Mizo hi dil duh kan awm ta lo fomaite hi a mangan thlak takzet a, lehkha kanlo zirchhuak a nih pawhin kan State ringawt hi hnathawh nan hman tum a. Sorkar hna kherni lo, private Company lian tak tak ah pawh sorkar hnathawk aia hlawh tha an pekna pawh a awm teuh tih hria a kan ram chhung ringawta insawrbing lo turin a chah.
Ephraim Higher Secondary School Vaivakawn ten kumina HSLC leh HSSLC a an zirlai passa chhuak te lawmpuina Vanapa Hall a vawiina neih hmanpuitu I&PR Minister Lalruatkima chuan Zirlaite, kan Hnam kan din chhuahna atana hma rawn la tutur leh kan nghahfak in nitih hi hrereng ula, theihtawp chhuah ula, he ram bak hi ram kan neilova, a damna atan leh ropui taka kan siam theihna atan kan hmathlir in nitih hi theihnghilh lo turin zirlaite hlawhtling thar te chu a fuih a ni.
Minister chuan zirlai te chu enge nih I tum, enge tih I tum tihah hian chian a tha, tunah pawh hian BA leh MA zirve tawp a degree nei mahse hna hmuh nan emaw tangkai taka an zirchhuah a degree te hmang ta lem lo thle mai mai hi Mizo ah hian kan tam hle a, hetiang ang chauh hi nih tum lohtur a ni tiin. Tuna tanga kum 10 ah eng dinhmun ah nge I din ang tih hi I ngaihtuahna ah lo awm se ka duh takzet a ni a ti. Lalruatkima chuan zirlai te chu an kalna tur tun atangin fum-fe takin duang turin a chah a, chumi Goal hlenchhuak theitur chuan hma lak theuh tum turin zirlai kalkhawm te fuihin, I&PR Minister Lalruatkima chuan Pathian leh kan ram tan tiin in hmalam hunah engpawh ti ula thahnem ngaihna leh rinawmna nen rawnnung chho ula, zirlaite in kalzel naturah duhsakna sang tak ka hlan che u a, Ephraim Higher Secondary School hmalam hun atan duhsakna a hlan nghal bawk a ni.