NH 54 Aizawl to Tuipang kawng laih chawlhtir a ni

Aizawl June 2 : National Highway 54, Aizawl – Tuipang kawng siam mekah hnathawktu Company ten Leivung paihna hmun tur ni lova lei vung an paih nasat bakah, Leivung paihna hmunah chhinchhiahna an tar loh vang leh leivung dawlna siam lova leivung an paih avangin Divisional Forest Officer, Lunglei chuan an hnathawh chawlhsan nghal turin NHIDCL te a hriattir a, Insawifiah turin a ti bawk.
Thudawn danin Lunglei DFO hian National Highway 54 , Aizawl – Tuipang a Lunglei Forest Division huam chhung a mite leh. National Highway 302, Lunglei – Tlabung kawng siam leh laihzauh hna thawh mek ah, Mizoram (Forest) Act 1955 leh The Forest (Conservation Act) 1980 bawhchhiatna a awm leh awm loh a hmunah enin a tlawh a. Hnathawktu Company te chuan leivung an paih danah Forest Conservation Act leh Environtment Protection Act an bawhchhe nasa hle tih hmuin, National Highway Infrastructure Development Company Ltd te hnenah hnathawh chawlhsan nghal turin a hriattir a ni.
DFO in a thuchhuah ah hian, Kawngpui laih zau hna thawh mek a endik na atanga a hmuh danin a hmun tura ruat ni loa leivung paih thahnem tak a awm thu leh Lui a Leivung lut lo tura a dawlna siam a awm loh thu sawiin, NHIDCL thuneitute chu an chunga Dan lek kawh a nih lohna chhan tur leh; hrem an nih lohna chhan tur insawifiah turin a hriattir ta a ni.““National Highway 302, Lunglei leh Tlabung inkarah kawng laih hna thawh a la tam loh avangin, Leivung paih a la tam loh thu sawiin, DFO chuan, hetiang a nih avang hian Kawng siamtu NHIDCL hotute chu Kumin April ni 27-a, a lo hriattir tawh angin a hmun taka leivung paih tur te, Luia leivung lut tura tha taka a dawlna siam tur leh Leivung paihna-ah te chuan tha taka chhinchhiahna siam turin a hriattir nawn leh a ni. “Mizoram Polution Control Board chuan NHIDCL hi kawngpui an laihna lei vungin lui a tih bawlhhlawh nasat avangin insawifiah turin (show cause notice) alo pe tawh bawk a ni.