Bhagwanth Khuba, MoS for Chemical and Fertilizers, New and Renewable Energy chuan vawiin khan Vanlalhmuaka, BJP Mizoram State President chu a Office chamber-ah lengah sawmin Mizoram a zin ṭum a an hmanlakna te an sawi dun.
Mizoram a lo zin ṭum a, thil an lo thlen te an bawhzui mek thu Minister hian Pu Hmuaka hi a lo hrilh a. Mizoram tana BJP state President thil thlente chu a ngaih pawimawh loh theih loh thu Pu Bhagwanth Khuba, Union Minister hian a lo hrilh a ni.
Ni zung chakna hmanga Mizoram ah power Siam chhuah a ṭul thute leh a rang lama Nizung chakna hmang Power a tam thei ang ber siam chhuak zawnga hmalak a ngaihthu te sawi dun niin, Pu Khuba chuan Mizoram a ngaih pawimawh thu te a lo hrilh ani.
Ani bakah khian Pu Ajay Kumar Mishra, MoS for Home Affairs nen North Block-a a Office chamber ah inkawmna hun ṭha tak Central-a kan hotute ruahman angin neih leh a ni a. Mizorama Law and Order chungchangte, Border management chungchang bakah thil dang kaihhnawihte Pu Hmuaka hian Pu Ajay Kumar Mishra chu a sawipui leh bawk a ni. BJP Minister rual te hi Naktuk 25th May 2022 hian Meeting pawimawh neiin an inhmukhawm dawn a, Pu Ajay Kumar chuan Pu Hmuaka thil thlen chu sawiho atan leh a bik takin Union Home Minister hnenah a thlen tur thu a hrilh a ni.
Tin, Union Minister hnena Pu Hmuaka thil thlen zingah bawhzui nghal ṭulte pawh Minister chuan officer in-charge te ko nghalin hma a la nghal bawk a ni.
