Vawiin khan Chief Minister Lalduhoma, Convener, kaihhruaiin High Level Task Force on North East Economic Corridor (NEEC) meeting vawi khatna – Video Conference hmanga neih a ni.
Lalduhoma chuan, India ram hmasawnna tura hmar chhak bial pawimawhna sawiin, High Level Task Force on NEEC chu hmar chhak bialin hmasawnna chak leh ngelnghet a neih theih nan leh Asia ram te nena inthlunzawmna tha zawk a awm theih nana zirchianna leh rawtna duang tura din a ni a. Vawiinah meeting bul kan tan ang a, sawiho tur rawtna te fel takin kan nei hmasa ang a, chungte chu chipchiar zawkin kan la sawiho leh dawn nia, tiin meeting hmasa ber a koh chhan a sawi a. Member ten hmalakna tur pawimawh nia an hriat te sawina an nei zui a ni.
He Task Force hi Ministry of DoNER hnuaia din niin, India hmar chhak hmasawnna ruhrel pawimawh tak tak thawh tur (objectives), short term, medium term leh long term ruahmanna neia rawtna siam tura din a ni a. Member te chu DoNER Minister, Jyotiraditya M. Scindia, Meghalaya Chief Minister, Conrad Sangma te, Assam Chief Minister Himanta Biswa Sharma leh Governor of Manipur Ajay Kumar Bhalla te an ni.
Mizoram Chief Minister hi Khilli Ram Meena, Chief Seretary, Vanlaldina Fanai, Commissioner, Planning, Lalmalsawma Pachuau, Secretary, Planning leh official pawimawh dangten an tawiawm a. Khilli Ram Meena hian lawmthu sawiin meeting a khar a ni.
