Ni 19/02/2025 (Nilaini) khan Pu Lalramzauva, MZP Bairabi Sub-Hqrs. President kaihhruainain 1st IR Post Zophai, Bairabi din hmun enfiah in MZP Sub-Hqrs’ Bairabi chuan an tlawh a. He hun ah hian MZP hruaittute leh Post Commander hoin inkawm hona neih in, an mamawh leh an harsatna tawh hrang hrangte sawi hoin hun hman a ni.
Bairabi 1st IR Post panna kawng hi, a zimin achhe hle a, kawng zau zawk an mamawh thu sawiin, an mahni ngei pawhin an thawm ṭha thin a. Zophai kawng hi Inner Line Reserve (509 sq miles) nena inhne (insi/inzawm) a 1st IR Post awmna hmun a nih avangin he lai kawng hi ṭha tak a thawm ṭhat reng hi a pawimawh hle a ni. MZP chuan PWD SDO be nghalin, SDO hian an hna thawh mek dan leh an harsatna tawh te hrilh hriain, ṭun ah hian PWD ten a thawm that hna an thawh mek a, SDO hian Jungle Clearance (Kawng sir hnim tih fai) pawh a theih ang ang a hma an lak tur thu a sawi bawk a ni.
Camp leh duty Out post inkar hi Sawrkar hmasa ah khan Lirthei lut thei a siam a ni a, Black top tur a Sanction chhuak vek tawh chu ZPM sawrkar hnu a laklet leh niin pawisa sanction hi tih lapse (zuzi) a ni.
Fur ah a diak thin em avangin lirthei lut thei loin thui tak duty turin ke in an kal angai ṭhin a ni. Tin, an tui lakna hi intake mumal siam a ni loh avangin fur ah harsatna an tawk thin thu an sawi a.
Tin, 1st IR Camp ah hian network a chhe hle a, emergency ah pawh chanchin inhriat pawh zung zung ahar thu te leh duty Out post ah Solar Street Light (eng) an mamawh hle bawk a, tun ah hian Bairabi 1st IR Post a awm zat hi mi 16 an ni.
Zophai kawng hi a pawimawh em em a, Bairabi khua chhungkaw ṭhahnemtakin huan lo ram te neiin leilet leh tuikhuah te, kuhva huan te an siamna hmun a ni a. Fur ruahtui tam hma ngei a hmala turin leh network tha an neih thuai thei nan Mizoram Sawrkar chu MZP Sub-Hqrs’ Bairabi chuan a ngen a, MZP chuan aṭul angin hma a la zel dawn a ni.
MZP Sub-Hqr’s, Bairabi chuan 1st IR Post a tlawh zawh hian Omega Centre tlawh lehin, Omega Centre ah hian Naupang enkawl lai Mipa 12 leh Hmeichhia 6 an nei a, Zirlai naupang ṭhahnem tak an nei bawk a ni.
MZP Sub-Headquarter’s Bairabi chuan Zirlai, khawtlang, ram leh hnam tan hma ala zel dawn a ni an ti.
