December 19, 2024 (Thursday)
MNYF Aizawl East-I Block chuan, “Mizo ten kan chaw rinpui ber buhfai hi kan dah pawimawh a ngai em em, kan sawrkar hrawn mek kalphungthar hian buhfai hi sum siamna atan mai mai hian chaih kual suh se.
“Mizoram buhfai mamawh hi FCI atangin a zat ve vel hi a tlawm a lei leh dawn a ni. a dang zawng hi open market a tangin Contractor LZ Juice ten an lei khawm a ni thung.
“Tun ah hian Aizawl khawpui ah thla Chaw hnu lamah buh fai pek chhuah tan chauh a ni, retailer then khatah te chuan buhfai ansem mek chu mipui in an la in chan lo hle. Chu tih laiin zuangtui kudam ah buh fai a awm tawh lova, kudam tlawh lai hian truck pakhat chiah a thleng a ni.
“KUDAM chhungah hian LZ Juice te buh fai supply bag tial rekruk eng grade nge anih tih pawh hriat loh awmin, mahse heng buhfai grade C ni awm takte hi retailer tumahin an phurh chhuah duh loh thu an sawi.
“FCI hotute kan biakna ah, FCI lam chuan thla tir atangin RO pawh an siam theih reng thu leh engmah an hnena lo thleng an delay ngai loh thu an sawi. Tin mizoram sawrkar in open market a tanga buhfai tha, grade-A duh khawp a lei thei lo a nih chuan, min rawn bia sela Certified thlap grade -A buhfai, Open market a an leina ai a tlawmin kan lei tir reng thei’ tih thu an sawi.
“Sawrkar lam hian FCI hi mawhpuh deuh mahse, FCI chuan December thla tir atangin an mahni lamah harsatna an neih loh thu leh, Lunglei mamawh phei chu January thla ta tur an ti fel sa leh deuh nual tawh thu an sawi bawk.
“Kan sawrkar hian, buhfai man a let a a tih to hnu ah pawh, buhfai leina tur sum a nei lo fo niin a hriat a, buhfai thla tawp dawn lama a sem thei chauh zel te leh mipui duh khawp buhfai an chhek khawl hlei thei ta lo. He kalphungthar sawrkar hian, kalphung thar ringawt ni lovin, kalphung tha leh dik hmangin min hruai zawk teh se,” an ti bawk.
