Dt.11th November 2024 chawhnu khan Lunglei District Youth Congress Committee chuan tun hnaia Court in Mizoram Polytechnic Lunglei in an ram luah man a ram neitu Pu Vanlaldawngliana S/o Pu H. Sporta (L) Theiriat, Lunglei hnena a pek theih loh avanga Court in Dt.12 Nov 2024 ral hmaa Mizoram Polytechnic Lungleia building pawimawh tak tak hmun sarih lai mai kalhsak tura Officer incharge Lunglei, Police Station hnenah thu a pek chungchangah a hmunah kalin thil awmdan an en.
Mizoram Polytechnic Lunglei in harsatna an tawh chungchang ah hian an harsatna belhchhah turin Dt.13th Nov 2024 hian zirlaiten kum tawp exam pawimawh tak mai an hmachhawn dawn a, zirlaiten exam dawn ah lehkha pawh zir mumal thei lovin Mizoram Polytechnic Lunglei main building aαΉangin Multi purpose hall ah an insuan chho a ni.
LDYCC President Pu Moses Lalrinchhana Chinzah chuan “Mizoram Polytechnic Lunglei hi chhim lam tan mai ni lovin Mizoram pum in kan inαΉawm a nih bak ah State dang aαΉang te pawh in zirlaiten an pankhawm ber a ni a,” a ti a. Hetianga Zirna In pawimawh tak mai tih αΉhuanawpa a awm tur leh zirlaiten an tuar tur hi Mizoram Sawrlar hian a rang thei ang berin ngaihven se, an harsatna tawh mek hi chinfel sak thuai turin LDYCC chuan Mizoram Sawrkar a ngen thu a sawi a ni.
Mizoram Polytechnic Lungleiah hian tunah zirlai regular mi 214 lai mai an awm a, hei bakah hian back paper nei mi engemaw zat an awm bawk a ni.
