Anti Corrruption Bureau (ACB) leh Aizawl Police Station chuan tukin (8.11.2024) khan MSU President Samuel Zoramthanpuia an man a, chanchin ziahlai mek zanin dar 5:30 hian MSU Gen. Hqrs. hruaitute chu hemi chungchang ngaihtuah hian an thukhawm mek a ni.
Thudawn danin, MSU President hi ACB-te’n an man hmasa a, chumi hnuah Aizawl Police Station-in an man veleh a. Aizawl Police Station-a hruai a nih hnuah court-ah hruai niin, Court chuan Central Jail lama dah turin thutlukna a siam a, thubuai pawh hi Non-bailable a ni.
MSU President hi ACB hian corruption lam kaihhnawih deuhah an man a, police-te hian kidnapping leh extortion kaihhnawihah an man thung a ni.
