Vawiin November 7, 2024 chawhma dar 11 khan 1&PR Auditorium, Aizawlah, Govt. Hrangbana College Mizo Department buatsaih, KC Lalvunga (Zikpuii Pa) thu leh hla zir hona hun hman a ni a, hemi rual hian KC Lalvunga Merit Scholarship sem a ni bawk.
He hun hi Mizo Language Development Board Chairman, Pu R. Lallianzuala’n khuallian niin a hmanpui a. Khuallian Pu Zuala chuan Pu KC Lalvunga chanchin sawiin, Mizo hnam tana a hna thawh tamzia te, thu leh hla huang mai piah lamah, zirna leh politics thlenga Mizo hnam tana mi pawimawh a nihzia a sawi a. Tun hun thlenga a tu leh fate inpekna zara zirlaite leh Mizo thu leh hla hmasawn nana hma an la a, sum leh pai tam tak hmanga an la insengso zel te chu fakawm a tih thu a sawi bawk.
Mizo subject-a ti αΉha zirlaite hnena sem tak, KC Lalvunga Merit Scholarship chu zirlaite pawhin αΉangkai taka hmanga hlawhtlinpui zel tura a duh thu a sawi bawk.
He hun hi Pi H. Lalthanpuii, Associate Professor, Govt. Hrangaban College chuan kai hruaiin KC Lalvunga fanu Pi Lalthanzami leh Hrangbana College Principal, Pu Lalthlengliana Hrahsel te’n thu an sawi bawk.
Chawhnu lamah KC Lalvunga thu leh hla zir hona hun hman chhunzawn nin Dr Zoramdinthara, Associate Professor MZU leh KC Lalthansanga, Asst. Professor, Mizoram Christian College te paper buatsaih chu zir ho a ni a. Zikpui Pa Thawnthu hrang hrang hmanga Book Review intihsiakna lawmman sem a ni bawk.
