Dated Aizawl the 5th November, 2024 (Tuesday):
ASEP General Headquarters, Aizawl chuan dt. 05.11.2024 hian Durtlang North a “Wildlife Garden” chu an tlawh a, garden neitu Dr. C. Lalhmingliana chu chawimawina an hlan nghal bawk.
ASEP President K. Lalmuansanga chuan Mizorama nungcha humhalhna kawnga sulsutu leh meichher chhitu mi chhuanawm tak anih avangin chawimawina hi hlan an nih thu a sawi a. Amah Pu Hminga chuan Mizoramah nungchate humhalh an ṭul em avangin Wildlife Garden chu din a nih thu a sawi a, Honorary Wildlife Warden a nihna zawn aṭang pawhin Zoram mipuite chu nungcha humhalhtu ni vek turin a sawm a ni.
Wildlife Garden hi an chenna hmuna awm nghal a ni a. Garden chhungah hian wildlife pond te, nungcha tenau deuhte khawsakna tur atana duan te, artificial nest box te leh nungchate tana thil ṭul dang dangte dah a ni a. Pu Hminga hian uluk taka vilin, garden a awmte hi fel takin a chhinchhiah ṭhin a ni.
He garden a nungcha awm ang angte hi humhalh puitu ni ṭheuh turin ASEP chuan a chhehvela cheng zawng zawngte a ngen tak meuh meuh a ni.
