AAP Mizoram a an secretary Lalruattluanga Bawihtlung chuan, “DSC circular No. B 12015/5/2019 DSE dated 201I1 Sept, 2024 thuchhuah kan lo hmuh angin, Aizawl District school tam takah, zirtirtu indaih lohna avangin subject thenkhat zirtirna pek loh leh Exam conduct loh a awm tih kan lo hmu a. Tin, he thuchhuah vekin a a tarlan danin, he zirtirtu indaih lohna avanga subject thenkhata zirtirna dawn theih lohna chu, school Head master / Mistress ten a tul anga hma lain ruahmanna lo siam tura ngen an ni a. He thuchhuah hi AAP Mizoram chuan mak a ti hle a ni. Mizorama Sawrkarna siamtu ZPM Party-te sum indaih lohna kan hriatthiampui rualin, AAP ten kan ngaihpawimawh hmasak ber Zirna-in a tuar mek lai a, ngaihpawimawh hmasak ni lova, Party worker te contract inpekte, adviser sawrkar in a mamawh hauh lo nia lang leh an office enkawlna tura sum tam tak luangral mekte leh zirtirtu indaih loh lain Party hruaitu education consultant atana rawih avanga sawi an kai ta mai hi pawi kan ti hle. School infrastructure siam hi kan mamawh rual rualin, a pawimawh hmasa zirtirtu, zirlaite mamawh hmasa ber pek hi sawrkar tha tih makmawhah kan ngai a ni. Tuna office thuchhuak kan hmuh hi chu, Hmangaihna tel lo induhsakna Jakoba 2:16 “Thlamuang takin kal ula lum tak leh puar takin awm ru” ti ula taksa tana chakkhai chu in pek si loh chuan eng nge sawt ang tih ang vel a ni. Sawrkar school tin hian sum dawn belh tur eng mah an neih loh lai a, sawrkar pawhin a tihtheih loh tih tir a tum hi mak kan ti hle.
Vawiina Aizawl Press Club-a chanchinthar lakhawmtute an kawmnaah AAP hruaitute chuan, “Zirtirtu indaihlohna hi a awm nasa a ni tih hi thuchhuah atang pawh hian a hriat theih a. Sikul thenkhatah phei chuan zirtirtuten anmahni hlawh thawhkhawmin zirtirtu an lak belh hial ngaihna sikulte a awm tih hi kan thuneitute hian an hriat ve tho kan ring, nge an hai der zawk?. Sikul thenkhatah erawh Zirtirtu tam takin subject 2 emaw a aia tam an kawp tawh mek laiin, engmah puihna tel lova engtia lo ruahman leh hma la turin nge an la beisei tih hi kan zawhna a ni. Inthlan hmaa ZPM manifesto chapter VI Education (c) na Zirtirtu leh zirna In semrual (Rationalisation of Teacher and Institution) kalpui ani ang tih hi engtikah nge kalpui anih ang ?. Tun dinhmunah hian kan mamawh hle a ni lawm ni tih hi kan zawhna a ni.
” Zirna tha kan ram hmasawnna bulpui ber anih avangin AAP Mizoram chuan theih tawp kan chhuah zel dawn a ni,” a ti bawk.