Nimin khan NH 54, Zemabawk leh Tuirial inkarah P&E Minister F.Rodingliana zin haw chu Assam Rifles ten check tumin an lo ti ding a, Minister hi a lawm lo hle nia sawi niin, Chief Minister Lalduhoma hnena a thlen hnuah a chhuak theih chauh a ni.
Tuirial kawnga AR duty te hian Barricade baka lirthei rah atana pawi thei hmanrua an thawhchhuah pui a, Minister in a paltlang dawn lai hian heng hmanruate hi an lo hmanga, heng an saseng hun chhung pawh hi a nghak vek a, mahse check leh kher an tum nia sawi niin, checking an neih chhan a hriat hma chu kaltlang a tum loh hnuah CM bunglow a pan nghal a ni.
Hemi chungchangah hian MNF Legislature Party chuan thuchhuah vawiin khan siamin, “Nimin ni 17/10/2024 tlai lama kan ram khawpui Aizawl daia, kan minister zahawm tak Pu F.Rodingliana, 2nd Assam Rifles Mizorama post mek ten zah lo tak leh a programme ti buai a, kan ram chhung ngei a, rei tak ralthuam nene rikrap a an dang khawtlai hi, MNF Lagislature party chuan pawi a tiin, Mizo Hnam leh Democracy zah lohnaah a ngai a, 2nd Bn. AR te hi a dem tak zet a ni.
“MNF Legislature party chuan kan ram, kan Hnam leh Democracy zahawmna humhim a, a mawhphurhna hlen ngei turin Mizoram sorkar a phut tlat a ni,” an ti.