Mizorama school hlun ber zing ami Presbyterian church Girls’ School chuan October 17 & 18 chhung hian exhibition an buatsaih a. Vawiin Ningani khan Synod executive secretary i/c Education Rev Dr K Lallawmzuala’n a hawng.
PC Girls’ School hian exhibition hi tum hnih an nei tawh a. Tun tumah hian Science, art & craft chi hrang hrang – painting, sikul din tan dan, puantah lai, Mizo puan hrang hrang, Mizo hmanraw hrang hrang leh Mizo lo neih dan an entir a, heng entirtur buatsaihtute hi A pawl atanga pawl riat zirlaite an ni a, exhibition hi school naupang dangte leh nu leh pa bakah he school atanga chhuak tawhte pawhin an chhim a ni.
‘Hmeichhe sikul’ tia sawi thin, PC Girls’ School hi kum 1903-a Welsh missionary-ten an din a ni a, tunah hian pawl 8 thleng zirna a awm a, zirlai 564 an nei mek a, hnathawktu (staff) zingah mipa 4 an awm ve a ni.