16.10.2024 (Nilaini):: Scholarship sem bangte sem thuai a nih theih nan MZP chuan, Ministry of Tribal Affairs N Delhi-a Scholarship khawihtute an office-ah a dawr a. Scholarship sem hmabak atangin βΉ 24. Crore an sanction leh thuai dawn tih an sawi.
Mizoram zirlaite chanvo Tribal Scholarship 2023-2024 hi, vawi 1 sem tawh a ni a. Mi 6,000 velin dawng tawhin, βΉ 7 Crore vel sem ral tawh a ni.
Pawisa sem bang Central-in Mizoram Sawrkar an la pek loh avanga sem chhunzawm theih loh hi, MZP hruaitute chuan hriatchian tumin vawiin khan Ministry of Tribal-a Scholarship khawihtute Delhi-ah a dawr a. Zirlaite mamawh dan sawipui an ni a, pawisa release thuai tΓ»rin an ngen a ni.
Tribal Scholarship (Post Matric) pawisa la mamawh atanga βΉ 24 Cr. hi a rang thei ang bera an sanction tur thu an sawi a, hei hian zirlaite mamawh zawng zawng a la daih dawn lo deuh niin an sawi.
Heng pawisate hi Mizoram SNA Account-a a luhfel hunah, Mizoram Scholarship Board-in SMS leh PFMS leh thil αΉul hrang hrangte an buaipui chhunzawm ang a. Zirlaite Account-ah a luh thuai theih nan MZP chuan a enzui zel a ni dawn a ni.