African Swine Fever (ASF) hrileng chuan ziaawm lam a pan chho zel a. Vawiin bika AH&Vety department lam chhinchhiah danin Vawk thi hi Aizawl district-ah chuan awm tawh lovin, Lunglei District-ah 1(Vanhne), Serchhip District-ah 3 (Baktawng-ah) leh Hnahthial District-ah 5 ( Hnahthial 1, Leite-ah 3, Tuipui D 1) niin Vawiin bika Vawk thi chhinchhiah hi 9 a ni.
Vawiin vek khan Vawk 10 suat a ni thung a. Vawk an suatte hi Lunglei district-ah 5 (Zobawk 4 leh Lungpuizawl 1), Serchhip district-ah 5 (Khawlailung) te an ni a. Vawk thi hi kumin Jannuary atanga vawiin Oct. ni 15, 2024 thlengin 13,915 ni tawhin, Vawk suat tawh zat hi hemi chhung vek hian 23,337 a ni tawh a, khua leh veng 246-in an tuar tawh a ni.