PM Poshan Cook lawmman Ieh Material Cost dawn loh avanga harsatna chungchangah Mizoram Middle School Teachers’ Association (MSTA) leh Mizoram PrimaryΒ Teachers’ Association (MPTA) chuan Director, School Education Department, MizoramΒ hnenah lehkha thawnin, “Ni 17th September, 2024-a kan hotu zahawm tak, a changtu Minister hnena kan harsatna kan rawn thlen tawh, i hnenah pawh hmai chhana kan sawipui tawh che ang khan, kan harsatna hi sutkian a la nilo a. Cook honorarium chu April leh May 2024 atan kan dawng a, kan lawm hle. Amaherawhchu. kan harsatna pui ber Cooking cost leh Cook honorarium hi kan mamawh ang kan la dawn loh avangin hreh tak chungin Mid-day meal hi ni 18. October, 2024 hnu lam atang chuan kan buatsaih thei tawh dawn lo a ni tih kan han hriattir che a ni,” an ti a.
“Hetiang em hi a thlen lohna turin khawngaih taka kan harsatna hi ni 18 October, 2024 ral hma a, min sutkian sak turin kan ngen a che,” an ti bawk.