Mizo Zirlai Pawl, General Headquarters Executive Committee Meeting vawi 636-na MZP Conference Hall-a neih chuan, tunhnaia Department hrang hranga officer pension tawh rawih chungchang leh Zirlaite Ni lo thleng tur chungchang a ngaihtuah.
Meeting chuan, tun hnaiah officer pension tawh rawihnawn leh pension tawh mai tur ruai nawn tura file kallai a awmin a hria a. Hei hi uluk taka chhuichian a, pension tawh rawih nawn a nih loh nan chak taka hmalak nise tiin a rel a. MZP chuan Mizoram sawrkar hnuaia hna thawk zingah pension tawh rawih nawn an awm fo thin chu tunhma atangin tha a tih loh thu a sawi fo thin a. Pensio tawh rawih nawn a nih avanga, bang tura nawr pawh a lo nei zauh zauh tawh thin a ni.
MZP chuan, sawrkar hnathawkte chu an hnathawh hun chhunga thahnem ngai taka thawk turin ngen a. An pension tawh hnuah erawh chuan thalai hna zawng mekte kian turin duh a ni. MZP chuan officer pension tawh, thiltih theih fal bik avanga inrawih nawn ang chi a awm loh nan theihtawp chhuahin hma a la dawn a ni.
Meeting chuan October ni 27 βZirlaite Niβ hi Pathianni a nih avangin, ni 26 October, 2024 hian Aizawl khawpui chhungah Zirlaite Ni pualin βRuihho do kawngzawhβ neih nise a ti a. Kumin Zirlaite Ni thupui atan βRuihhlo- Zirlaite hmelmaβ tih hman a ni ang.