Vawiin khan Mizoram Commercial Vehicle Union (MCVU) chuan an president PC Malsawma hovin member 8 te chuan oil man sang leh kawngchhia avanga commercial vehicle ten dt 14.10.24 atanga din an tum chungchangah Mizoram CM Pu Lalduhoma’n a sawm angin a office ah an hmu a, kar leh ni dt 16.10.24 ah cabinet meeting nei a oil man sang leh kawngchhia chungchang chu an ngaihtuah tur thu alo hrilh avangin, MCVU in Monday atanga din an tum chu cabinet meeting thu leh hla ngaihchan a, a ngai anga kal leh rih nise an ti.
Hetih lai hian Dt. 10-10-2024 (Thursday) Zan dar 7:30 a MTA Office, Dawrpui a Mizoram Taxi Association, General Headquarters Extended Office Bearers Committee Meeting chuan, Mizoram Commercial Vehicle Union (MCVU) hnen atanga sawmna a dawn Petrol leh Diesel man sang lutuk leh kawng chhe lutuk avanga Dt 14th Octorber,2024 atanga tiam chin awmlova lungawiloh lantir a tum thlawp ve tura MTA a sawmna chu ngun taka a ngaihtuah hnuah, MTA hi MCVU ah Member a nih loh avang leh NGO Co-Ordination Committee Dt 7-10-2024 a neihin Petrol leh Diesel man ti hniam tura Sawrkar a dawr chhung chuan tuman mipuite tan harsatna siam lo tura an ngen bawk avangin Committee chuan NGO Co-Ordination ngenna ang hian mipui tan harsatna siam lova Routine pangai angin MTA Member zawng zawng te chu tlan nise a ti tawh bawk a ni.