Vawiin khan Mizoram Governor Pu Hari Babu Kambhampati chu Raj Bhavan-ah Aizawl Football Club aiawhin MLA Pu Robert Romawia Royte,AFC President leh Pu Hmingthansanga Zadeng General Secretary ten an kawm a. Aizawl FC aiawhte hian N.Lunglenga AFC Football field a phullem phahna atana Rs 546.90 lakh Power Finance Corporation (PFC) atanga an dilchhuah thu leh MSSC chu Implementing Agency a ruat anih thute,ni 11.10.2023 ah Agreement sign nitawh mahse Election Model Code of Conduct avanga Sorkar hmasa hunlaia thawh hman anih loh thu leh vawiin thlenga hmalakna a awmloh avanga sum sanction cancel an hlauh thute Governor hi an hrilh a.He sum hi Aizawl FC project atana sanction anih anga a hnathawk tur pawha midang ruat lova an mawhphurhnaa dah an beisei thu tepawh Governor hi an hrilh a ni.
AFC aiawhte chuan Governor hnenah chuan he sum Rs 546.90 lakh bakah hian Rajya Sabha MP Fund leh NECS sum thawh ve turte nen tanghova field gallery tepawh siamtel an tum avangin midang thawh chi nilova an hriat thute Governor hi an hrilh a,Aizawl FC leh Mizoram thalaite tana tangkai tur rothil anih avangin lo puih ngei a tum thu Governor hian alo hrilh a ni.
PFC te hian MSSC in hma alak loh avangin lehkha an rawn thawna,hmalak loh chhan an zawtfiah mek a,project withdraw an hlauh thu an sawi.
Aizawl FC aiawhte hian Sports Minister pawh an sawipui tawh a,Chief Minister hmuh ngei pawh tumin appointment an dilna chu an nghak mek a ni.