Mizoram AAP chuan, “Aam Aadmi Party hruaitu lu ber Arvind Kejriwal bail a chhuah a ni ta chu lawmawm kan ti hle a, hemi in a lantir ber chu ‘BJP hian nasa takin he party hi tihral tumin bei mahse a thang zel dawn a ni’ tih a ti langchiang zual hle bakah DIKNA HI A TAWPAH A DINGCHANG thin a ni tih a lang. Mipui chanvo humhim nan leh dikna rahbeh a awm loh nana Supreme Court kan la nei hi a lawmawm hle a ni.
“October thla hian Haryana state chuan inthlan an hmachhawn dawn a Aam Aadmi Party inzar pharh zel na tur leh len zel hlau em em tute hian theihtawp chhuahin bei mahse AAP hian tet lam aiin len lam a pan zel ani tih a hmuh theih.
“Lok Sabha inthlan hma atang tawhin BJP sawrkawrna hnuaiah sawrkar agencies hrang hrangte hmangin Aam Aadmi Party hruaitute chu Delhi Liquor Scam ah pawisa tam tham tak eiru leh laa puh an ni a, mahse kum hnih (2) chuang an chhui hnu pawhin cheng khat mah sum ralna, chhuichhuah a ni lo a ni. PMLA Act hnuaia man anih angin thiam chan tir an nih hma chu thiamlo anga ngaih tur an nih angin AAP hruaitute hi Jail-ah rei tak tak khung an ni ta a ni.
“Mipui tam tak pawhin AAP hian an rinna a nghing hman a, hruaitute hi an insawi ang ani lo ani an ti. Mahse Vawiin Court thuchhuak in a lan tir chu kan hotute hi an diklo lo a, mipuite tana an hnathawh that em vangte leh India ram politics an rawn thlakdanglam vek avang hian hmelma tam tak an siam phah a, anmahni huphurh em em tute hian he Party ral vek theihna turin an bei a mahse an hlawhtling lo a ni.
“Mizoramah pawh mitlemte in beiseina sang tak nen he Party hi kan lalut a danglamna tha leh mipui sawrkar tak tak enchhin ngailo Sawrkar tha kan la din ngei kan beisei tlat a ni,” an ti.