Mizoram Home Appliances Distributors Association (MHADA) chuan a hnuai a mi ang hian hriattirna pawimawh leh thil awmdan sawifiahna thuchhuah a siam :-
Tunlai hian YouTube leh Social Media kaltlang Home Appliances bungrua brand hrang hrang Sony, LG, Samsung, Godrej, Haier, Panasonic, Lloyd, Whirlpool, IFB etc te, tlawm taka Discount-a hralh thei ang a inzuar an awm mek a, hei hian mipuite rilru a kaihruai dik lo dawna kan hriat avângin, mipuite hnenah tawi fel taka thil awmdan sawifiah ngei a ṭulin kan hria a, hetiang hi thil awmdan a ni.
Home Appliances bungrua, man tlawma inzuar mekte hi, Company hriatpuina a ni lo tih mipuiten min hriat sak se kan duh a. An bungraw zawrh hi warranty a awm loh bâkah, Authorised Service Centre ten service an pêk ngai loh a ni a. Hetiang bungruate hi siam fuh tâwk loh avanga a company in zawrh tlâk lova a ngaihte a nih bâkah, a phurhnaa a chhia awmte a ni a. Authorised Service Centre ten repair tlak lova an ngaih leh Warranty Period a Customer te lei tawh defect a awm avâng a return leh te hi, Company ten man tlawm taka an tihral ṭhin a nih avângin, hetiang bungraw te hi man tlawm te te a hralh chhuah theih an ni thin a ni. Zoram mipuite hnenah hrilhfiah thuai a ṭulin kan hria a. A him tih hriat chian sa leh mipuite pawhin hun rei tak kan rintlak a ni tih in lo hriat tawh ang a, min dawr zel turin kan inngen nghal bawk e.
Company te hian, an Brand Image leh reputation an ngai pawimawh em em a, an kut chhuakte hi a ṭha tâwk a ni tih leh a rintlak a ni tih hi mipuite hriattir an tum hle a. Hemi atan hian, fimkhur takin, hun tam tak leh sum leh pai tam tak sengin hma an la hmasa ṭhin a. Distribution leh retail channel a hralh chhuah tlâka an ngaih lohte chu, Vendor hrang hrangah tlawm tê têin an hralh chhuak a. Heng second zuarte hian a remchan ang anga a part te rem khawm a, mipui hnena zuar kual leh an nih avângin Company leh Authorised Service Centre te hian warranty leh after sale service-ah pawh mawh an phur duh lo nghe nghe a ni. Brand image leh Reputation vawn him a nih theih nan Brand zawng zawng hian hetiang hian ruahmanna an siam sa thlap thin a ni.
Man to uchuak leh hlep tam lutuk a Distributor leh dealer ten thil an zuar anga puh kan ni hi a pawi kan tiin, thil hriatchian tawk loh vangah kan ngai a. Company zawng zawng hian retail a hralh chhuahna tur a man (retail price) hi, India ram pumah a bituk vek a ni, heng price te hi dealer tinah en theih vek a ni.
Trade defective products company in zawrh tlak loh a an ngaih tlawm te te (scrap) anga hralh a nih tawh avangin serial number te pawh company record atang a paih, blocked vek an nih tawh avangin service center lam hian warranty leh aftersales service ah hma an laksak thei lo a ni .
Mipuiin bungraw rintlak leh ṭha zâwk an lei zel kan duh a, bungraw rintlak tâwk lo lei a, an tawrh theihna tur thil awm hi ṭha lo kan ti a, sawifiah thuai a ṭulin kan hria a ni.