Zo Re-Unification Organisation (ZORO) chuan, “Mizoram Chief Minister Pu Lalduhoma chu Zofate tana thu tha tak leh chhinchhiah tlak tak tak, Zofate inlungrualna tur leh insuihkhawm theihna tur thu, USA-a a zinnaah thahnemngai taka a sawi avangin lawmthu ZORO chuan a sawi a. Ramri hung (Border Fencing) chungchanga Mizorarn CM a nihna anga Zofate hma hun thlir chunga nghet taka a dinna thu a sawi avangin ZORO chuan Chief Minister Pu Lalduhoma chungah hian lawmthu a sawi hawk a ni.
“ZORO chu a dinna ngaiah a ding reng a, tharum thawhna tellova dikna chanvo kan chan theuh theihna turin. ‘Chin Lushai Conference 1892 Thurolum No.1’ dungzui leh United Nation Declaration on the Rights of indigenous People (UNDRIP) 2007 in a sawi angin, india, Bangladesh leh Myanmar Sawrkar awpna hnuaia awm mek Zofate chu rorelna pakhat hnuaia awm turin hma a la zel ang,” an ti.