Kolkata-a Doctor pawngsual a nih leh thah a nih duh lohna lantir

Vawiin dt. 16/08/2024 hian Kolkata-a Doctor pawngsual a nih leh thah a nih duh lohna lantirna hun neih a ni.

BJP National Mahila Morcha kaihhruaina in vawiin hian India ram pumah Dr. Moumita Debnath pawngsual a nih hnua thah a nih duhlohna lantirna neih niin, he hun hi BJP Mizoram State Mahila Morcha pawhin hmangin, “Hmeichhiate chunga hleilenna thleng ṭhin leh pawngsual mai duhtâwk lova, nunna hial laksak an ni ṭhin chu BJP Mahila Morcha chuan pawi kan tiin he thil thlenga inhnamhnawih zawng zawngte chu man chhuak vek tur leh hremna na tak pe vek turin kan ngen a, hetiang thil sual tak titu te hi kan dem takzet a ni.

“Mizoram ah pawh Dr. Moumita thihna hian Hmeichhiate ngaihsak kan ṭul zia a ti lang chiang a, hetianga rawva taka che thin te chungah hremna na tak pek an nih theih nan leh Midangte pawhin hetiang hursualna laka an fimkhur theih nan, hremna na zawka pek zel chu BJP Mizoram State Mahila Morcha chuan kan duh dan a ni.

“Sawrkar enkawl RG Kar Hospital, Kolkata-a doctor chunga hleihlenna rapthlak tak thleng hi pawi kan ti a, Pi Mamata Banerjee kaihhruai West Bengal sawrkar chu hmeichhiate himna ngai pawimawh turin kan ngen a, India ram hmun hrang hrangah pawh hmeichhiate chunga hleihlenna hi tun hnu ah thleng tawh lo se kan duh bawk a ni,” an ti.