Vawiin ni 28 June, 2024 hian Congress Party chuan Congress Bhavan-ah ‘Friday Political Session’ an hmang a. He hunah hian John Rotluangliana, PAC Member chuan thu sawiin, “Politician tha kan mamawh kan tih dawn chuan, mipui tha kan mamawh ani tih hi ka sawi duh a ni.
“Kan ZPM unau ten Austerity measure te an ti a, Year of Consolidation te an ti a, a saptawng hi an hmang diklo nge, a letling zawng hlirin an kal a. VIP Culture te an ti a, a kentel hi an hre lo a ni. VIP te thu a ni lo va, Security Guard te hi duh loh vanga pek loh ngawt theih a ni lo va, Motor pakhat kawl pawh an ti thei bik lo a ni. Thil reng reng hi a pawn atang chuan sawi a awl a, mahse a chhungah chuan a har asin.
“Kan sawrkar hian fel chu an tum khawp mai a, mahse an tlin lo a ni e. Thil reng reng enchhin hian a daih rei ngai lo. An thiltih reng rengah sawrkar kaltawh mawhpuh zel hi em ni “Kalphung Thar” chu? Thlai thar lei nan vaibelchhe 110 kan dah an ti a, hman leh chuan siloh chuan enge dah kha sawt ang? Kan sawrkar kal mek hi sawrkar ka hriat tawhah chuan nawi ber an niin ka hria, Chief Minister Adviser atanga Joint Secretary thlengin an inruat a, Fouth Grade thlengin an la inruat duhin ka ring.
“He sawrkar kum khat pawh la tling lo nawi tak hi an fing thut lovang, an nawi telh telh ang. Kan sawrkar mek hian term khat an daih lovang a, kan inpeih hman loving tih ka hlau. Hawh u, i tang rual ila, I inlung rual ila, hna i thawk ang u” a ti.
C. Lalhriatpuia, Secretary, MPCC pawhin thu sawi in, “Politician te hi kan thutiama kan din thin loh vang leh keimahni chhe theitawpa kan inbeih thin vang a ni. Aizawl khawpui Traffic Jam awmlohna khawpuiah kan siam dawn tih te chuan mipui thin a tirim a, Sum puk lova kal thei rih lo Mizoram sawrkar sum puk sawisel vak vak a, puk ve leh tho te hian mipui beng an ti thlep a ni. Kuhva tawlh kan titawp ang tiha titawp leh thei si lo tihte hian mipui nuih a ti za a ni. Politician thutiam anga awmlo leh tileh thin lote hian Politician te mipui rin a hlawh tir lo thin a, Mizo mipuite hi I bum tawh lovang u.” a ti.