BJP State Secretary Mizoram Dr Zonuntluanga chuan congress party in BJP chu diklo takin an bei nasa tih a sawi.
Vawiina Aizawl Press club-a thuthar lakhawm tute BJP State Secretary Dr Zonuntluanga’n a kawmna ah, tun hnaia politics chungchangah inchirhthehna diklo Congress party in hmangin, BJP an puh nasa tih a sawi a, chung zingah chuan Uniform civil code UCC hi Pu Nehru a hoin constituent assembly ah 27, February 1926 ah an lo sawifel a, India Constitution Article 44 ah an dah dimdiam tawh a, court case a luh nasat a vangin supreme court chuan central sorkar chu implement vat turin thu a pe a, mahse Tribal te erawh kan tel ve dawn lo tih BJP State Secretary chuan a sawi a. BJP in bawng talh an khap tia puhna ah pawh, Pu Nehru khan India Constitution Article 48 ah bawng talh khap hi alo dah daih tawh ani ati bawk.
Dr Zonuntluanga chuan press mite zalenna rahbeh sak anga BJP te an puhna ah pawh mimal zalenna freedom of speech leh expression chu Pu Nehru hun laiin a siam danglam a, Constitution siam that bad hmasa ber 1st Amendment 1951 kan lo neih phah ta a, Pi Indira chuan State of Emergency Article 352 min puan hnan a opposition te manin press mite an man khawm a, chanchinbu mite sum a leikhawm theih anga Congress candidate in a sawi chu media mite hmuhsitna a an ngaihthu BJP State Secretary chuan sawiin Congress party chuan mipuite rilru hruaikawi tumin thil chi hrang hramg hmangin a bei mek ani ati bawk.
BJP chu Congress kih hnawk thian fai chungin ram a kaihruai mek a, hmasawnna kawngah khawvel ram hausa 3 na kan ni thuai dawn a, India Independence centenary kan lawm hun 2047 ah chuan khawvel ram hausa ber India chu ani thei dawn a, he movement hi mizoram ah pawh a hlawhtlin theihnan BJP Candidate Pu Vanlalhmuaka vote turin Mipuite an sawm tih BJP State Secretary chuan a sawi a ni.
