Mizo Students’ Union: General Headquarters, Aizawl Executive Committee Meeting vawi 14-na, vawiin ni 31 January 2024-a neih angin MSU chuan Inner Line Regulation dan anga hnam dang permit neih ṭul, la nei lote chuan February ni 10 ral hmaa an permit tifel turin a hriattir a. MSU chuan he hun tiam hnu lama danin a phut anga permit la fel lote chungah khauh takin hma a la dawn a ni.
MSU chuan nimin ni 30 January 2024-a Home Minister a lo thlen tawh angin Inner Line Permit, Bengal Eastern Frontier Regulation 1873-in a phut angin Meitei te pawh General Category an nih ang ngeiin Inner Line Permit nei tur an ni a. Chuvang chuan, Meitei dan lova khawsa zawng zawngte pawh February ni 10 ral hmaa Permit tifel turin a chah nghal a ni,” an ti bawk.
