Aizawl leh Tuipang inkar National Highway-54 laihzau leh siamthat hna thawhmek ah Jan 30, 2024 (Thawhlehni) khan AOC veng Lawngtlai leh Thingkah a kawngin a tihchhiattur zangnadawmna pektawh, In thiatlote chu thuneitute a hmunah kalin, khawl hmanga thiah ngaite thiah niin, a hmunah a tuldan angin hmalakdantur In neitute nen sawiho a ni.
Sorkar lehkhaa a landan chuan kawngpuiin a tihchhiattur zangnadawmna pektawhte chu tum li Lawngtlai DC atangin an In leh hmunhma kawngpuiin a tihchhiatturte chu thiat a senghawiturin tih an lo ni tawh a, hemi bawhzui hian Thawhlehni khan Pu Samuel Lalmalsawma Sailo SDC, Lawngtlai hovin, kawng siamtu NHIDCL leh LADC a Revenue Department bakah khawtlang hruaitute chu khawl nen a hmunah kalin, In dinglai pakhat nawrthluk niin, In rellai pakhat khawl hmanga thiah a nih bakah, In thiahngai ten an theih ang anga an mahni a an thiahmekte pawh a remchandan angin khawl hmanga thiahpui an ni bawk.
AOC veng Lawngtlai ah hian kawngpui sialna tur dal In 40, Thingkah ah In 5 awmte chu enfel niin, heng zingah hian In thenkhat chu mumal zawka endik a nih hnuah thiah ngailo tura tih niin, mahni a an In thiatmekte pawh chakzawka hna thawktura hriattir an ni a, hmunhma thenkhat a hmalama kawngpuitan hnawktura tih nisi lo, teh thar leha hnawktura ngaih leh si pawh a awm a, heng zingah hian MIZOFED Filling Station leh FCS&CA Kudam pawh a tel.
Thawhlehni a kawngpui zauhna tur enfiah a, a tuldan anga hmalak nghalna ah hian buaina thleng palh theih vengin Police engmawzat an duty a, boruak muanawmtak hnuaiah kalpui a ni.
