Land Revenue and Settlement Department chuan, “Tunlai hian chhan hrang hrang avanga State dang leh ram dang atanga Mizoram rawn lut ten ram an lei nasat thu a thang nasa hle a, Hemi chungchang hi Sawrkar chuan a ngai thutak hle a. The Mizoram (Land Revenue) Act, 2013-in a sawi angin, ram neih chungchang leh ram hralh leh lei chungchangah mipuite kan fimkhur a, heng a hnuaia mite hi mipui ten kan zawm tlan vek turin kan inngen a ni,” tiin a hnuai a mi ang hian an thuchhuahah chuan an tarlang.
1. Mizoram chhunga ram nei theite chu:
a. Mizorama cheng nghet, an chhungte kum 1950, January ni 26 hma lama Mizorama lo cheng tawh, emaw:
b. India ram President-in Constttution Article 342(1) hnuaia Mizoram State tan bik Schedule Tribe atana a puan te
2. Ram Inhralh chhawn chungchang:
a. Sawrkarin phalna a pe hmasa anih chauh loh chuan tribal-in tribal ni lo hnenah emaw tribal ni lo-in tribal ni lo dang hnenah emaw ram a hlan chhawng tur a ni lo.
b. Sawrkarin phalna a pek hmasak ngai bikah chuan phalna a pe hmasa a nih chauh loh chuan ram inhlan chhawnna lehkha chu register theih a ni lo a. Land record ah pawh chhinchhiah theih a ni lo.
c. Dan lova ram inhlan chhawn reng reng chu thutlinga ngaih a ni lova, eng court ah mah Dan anga kenkawh (enforce) theih a ni lo.
