Dated Aizawl the 17th January 2024 (Tuesday):
ASEP General Headquarters Aizawl buatsaihin dt. 17.01.2024 (Wednesday) hian Doordarshan Kendra Aizawl Premises-ah Artificial Nest Box Campaign Kick-off & Installation programme hman a ni a. Rajya Sabha MP Pu K. Vanlalvena chu khuallian a ni. He hunah hian Doordarshan hotute leh Welfare hotute bakah ASEP member te an tel a, Doordarshan ram chhungah Artificial Nest Box pawh dah nghal a ni a. Pu Vena hian ASEP hi hetiang sava bu siamchawp siam nan hian Rs. 30,000/- a tum sak a ni.
Function tawi te buatsaih chu ASEP President Pu K. Lalmuansanga chuan a kaihruai a. Khuallian Pu K. Vena chuan ASEP-in hetianga savate lawina tur sava bu siamchawp programme an buatsaih chu lawmawm a tih thu a sawi a. Ram changkang zawkte pawhin hetiang hi thilsiam dangte chunga ngilneihna lantir nan an ti fo thin a, kan thenawm Kristian lo ramah pawh nungchate an zalen em em laia, keini Kristian ramah an ralti em em thin chu kan inenfiah a tul tak meuh a. Thilsiam dangte chunga ngilneihna lantirtu ni fo turin Zoram mipuite ka ngen a, ASEP leh environment lama thahnemngaitu zawng zawngte pawh theihtawp chhuah zel turin ka sawm tak meuh meuh a. Hetiang hmalakna hian rah tha a chhuah zel ka beisei tlat a ni, a ti.
Artificial Nest Box programme hi ASEP chuan kum eng emaw zat a lo kalpui tawh a, hriat theih chinah ringawt pawh sava tuak 150 chuangin an lo luah tawh a. Theihtawp chhuaha kalpui zel ASEP chuan a tum a, Zoram mipuite pawh hetiang sava bu siamchawp hi mitinin kan tih theih awlsam tak a nih avangin theihtawp chhuaha lo siamsak ve thin turin a ngen a ni.
