Vawiin khan Chief Minister Pu Lalduhoma chuan a office-ah State Bank of India General Manager, Pu Dhruba Charan Bal chu a kawm a. Mizoram chhunga State Bank of India hmalakna te an sawi dun.
Chief Minister hian Mizorama bank thenkhatte Credit Depodit ratio a hniam hle chu a ngaimawh thu a lo hrilh a. Mipuite tana hmasawnna hna an lo thawh ve na kawng pawimawh an ngaihthah deuh nia a ngaih thu a hrilh a ni. Mizoram sawrkarin Hand Holding Policy kalpui turah pawh bank ten mawhphurhna pawimawh tak an neih tur thu a hrilh.
General Manager hian, SBI chuan Mizoramah market share tam zawk nei tura loan tam zawk an pek chhuah theih nan hma kan la mek a, Lunglei te pawh tlawhin loneitute, a bikin Dragon Fruit chingtute pawh ka kawm a ni, tiin Mizoramah loan nasa zawka pek an tum thu a hrilh a ni.
General Manager hi Pu Hemanta Gadge, Deputy General Manager, SBI leh Pu Rakesh Rari, Regional Manager, SBI ten an tawiawm a ni.
