Mizo Zirlai Pawl (MZP) hruaitu thar thlanna chu vawiinah neih a ni a, kum 2023 – 2025 chhunga MZP General Headquarters, Aizawl President atan H Lalthianghlima thlan tlin a ni.
Vice President atan C Lalremruata, General Secretary atan Chinkhanmanga Thomte, Assistant General Secretary atan C Lalhmingsanga, Treasurer atan Zairemthanga leh Finance Secretary atan Rothanliana te thlan an ni.
MZP hruaitu thar 2023-25 term atana thlannaah hian vice president ni lai, Andrew F. Lalramnghaka line up leh Asst. General secretary lo ni tawh, ECM ni lai H. Lalthianghlima line up an awm a, line up pahnih atang hian hruaitu thar thlan niin, Treasurer ah independent post chuh a awm bawk.
MZP hian vawiin chawhma dar 11 khan Vanapa Hall ah Assembly vawi 67-na leh Election 2023 an nei. Inkhawm hi Assembly Organising Chairman R. Lalrokima, ECM in kaihruaiin Assembly Organising Secretary leh Editor David Lalromawia’n report a pe.
President kal chhuak tur Lalnunmawia Pautu in thu a sawi bawk.